दि.8/9/2024
शब्दांतून व्यक्त होणं...इतकंही सोपं नसतं
शब्दांतून व्यक्त होणं
आतल्या भावनांना
आतल्या आत गुंतवणं...!!
कुठूनतरी आवाज
बाहेर ढकलल्या जातो
आतल्या आत दबल्यावर
भावनांचा कल्लोळ होतो....!!
श्वास गुदरमतोय तसा
गुदमरल्यात होतं
भावनांचं व्यक्त होणं
जरी मनाला बोचतं.....!!
बरं झालं ...बरं झालं देवा
शब्द तरी आहेत सोबतीला
भावनांच्या गुंत्याला अन्
आयुष्याच्या परतीला....!!
शब्दांनीच शब्दांना
हळूवार जपावं लागतं
मनातलं गुपित मग
मनातल्याकडेच खोलावं वाटतं...!!
अवघड आहे बघ गड्या
शब्दांनी शब्दांना समजावणं
कितीही कटुता असली तरी
प्रेम आणि प्रेमच रूजवणं....!!
मग बघा कशी फुलतेय
शब्दांची सुंदर बाग
एका शब्दांच्या फुंकराने
पळून जाईल राग....!!
कवयित्री
मिनाक्षी पांडुरंग नागराळे
जिल्हा परिषद प्राथमिक शाळा कोकलगाव
ता.जि.वाशिम
मो 9767663257
