जुनी पेन्शन मोर्चा नागपूर...काही क्षणचित्रे....

 

माणुसकी भली (अभंग क्र.३३)

 माणुसकी भली (अभंग क्र.३३)

माणुसकी भली| ठेव जरा अंगी|

नाव निघे जगी | सदाचारी ||

विवेक विचार | खरे शिल्पकार |

देतसे आकार | जीवनाला ||

संवेदनशील | असू द्यावे मन |

खरे तेच धन | आयुष्याचे ||

संस्कार सुरेख | घडविते मूल ||

बागेतले फूल | जणू काही ||

सदाचार ठेवा | संस्कृतीचा मेवा |

आईबाप सेवा | खरा धर्म ||

जगात कमव | इभ्रतीला जप |

करूनिया तप | विवेकाने ||

प्राणीमात्रांवर | दया हो करावी |

माणुसकी दावी | जगाचिया ||

दानधर्म करा | अतिथी म्हणून |

देवच मानून | सदाशिव ||

मुखी पांडुरंग | नाम घ्या हरीचे |

कोडे जिवनाचे | सुटेल गा ||

मिनू म्हणे आता | वाचवा हो मुली |

माणुसकी भली | खरोखर ||

मिनाक्षी पांडुरंग नागराळे

जि.प.प्राथ.शाळा.कोकलगाव

ता.जि.वाशिम.

आनंदाने जगा (अभंग क्र.३२)

 जन्म मानवाचा (अभंग क्र.३२)

पुण्याईने मिळे | जन्म मानवाचा |

अर्थ जिवनाचा | कळला का ||

व्यर्थ जाऊ नये | जन्म हा आपुला ||

माणूस तो भला | समजावा ||

किर्तीरूपे  झिज | चंदनासमान |

जणू तू सूमन | सुवासिक ||

येईल सुगंध | संस्कार सुरेख |

कर तू पालक | स्वतः चीही ||

जाता जाता थोडे | पुण्य ठेव मागे |

सुखाचे ते धागे | हाती लागे ||

लोभ,राग, द्वेष | दे रे सोडूनिया |

मर्म जाणुनिया | घे माणसा ||

सोबत संगत | चांगली असावी |

छबी ती दिसावी | ईशरूपी ||

चांगले चिंतन | असू दे रे मनी |

सुखाची पर्वणी | तूज मिळे ||

सत्कर्म करावे | कष्ट उपसावे |

प्रेमाने रहावे | जिवनात ||

मिनू म्हणे आता | चांगले ते घ्यावे |

आनंदी रहावे | जिवनात ||

कवयित्री

मिनाक्षी पांडुरंग नागराळे

जि.प.प्राथ.शाळा.कोकलगाव

ता.जि.वाशिम.

जन्म मानवाचा (अभंग क्र.३१)

 जन्म मानवाचा (अभंग क्र.३१)

पुण्याईने मिळे | जन्म मानवाचा |

अर्थ जिवनाचा | कळला का ||

व्यर्थ जाऊ नये | जन्म हा आपुला ||

माणूस तो भला | समजावा ||

किर्तीरूपे  झिज | चंदनासमान |

जणू तू सूमन | सुवासिक ||

येईल सुगंध | संस्कार सुरेख |

कर तू पालक | स्वतः चीही ||

जाता जाता थोडे | पुण्य ठेव मागे |

सुखाचे ते धागे | हाती लागे ||

लोभ,राग, द्वेष | दे रे सोडूनिया |

मर्म जाणुनिया | घे माणसा ||

सोबत संगत | चांगली असावी |

छबी ती दिसावी | ईशरूपी ||

चांगले चिंतन | असू दे रे मनी |

सुखाची पर्वणी | तूज मिळे ||

सत्कर्म करावे | कष्ट उपसावे |

प्रेमाने रहावे | जिवनात ||

मिनू म्हणे आता | चांगले ते घ्यावे |

आनंदी रहावे | जिवनात ||

कवयित्री

मिनाक्षी पांडुरंग नागराळे

जि.प.प्राथ.शाळा.कोकलगाव

ता.जि.वाशिम.

होऊ नये लाचार (अभंग क्र.३०)

 *होऊ नये रे लाचार*. (अभंग क्र.३०)

स्वाभिमानी रहा | होऊ नये लाचार |

चांगले आचार | असावेत || १||

अति शिष्टाचार | मती ती खुंटते |

हेवेदावे होते | आपोआप ||२||

कर्म हीच पुजा | सत्य हाच धर्म |

जीवनाचे मर्म | ठेव ध्यानी ||३||

अतिहव्यासाला | पडू नका बळी |

लोभाची ती अळी | वळवळे ||४||

जे आहे त्यातच | समाधानी रहा |

निरखूनी पहा | जिवनाला ||५||

कष्टाची ती फळे | गोड असतात |

सदा पुरतात| आयुष्यात ||६||

 मेंदू हा आपला | रहावे सजग |

पहावे ते जग | विवेकाने ||७||

नको फुशारकी | बाप जिवावर |

उभा पायावर | दाखव गा ||८||

सत्याची ती कास | सोडू नको कधी |

विचार हा आधी | करावेच ||९||

लाचार आयुष्य | तू दे गा सोडून |

कंबर कसून | सज्ज रहा ||१०||

कवयित्री

मिनाक्षी पांडुरंग नागराळे

जि.प.प्राथ.शाळा.कोकलगाव

ता.जि.वाशिम

मो. ९७६७६६३२५७

जिद्द हो असावी (अभंग क्र.२९)

 जिद्द हो असावी (अभंग क्र.२९)

संकटात सदा | हिंमत असावी|

भितीही नसावी | कशाचीही ||

जिद्द हो असावी | अभ्यासाचा ध्यास |

सुखाचा प्रवास | होईल गा ||

नको हार मानू | खचू नको कधी

संकट रे मधी | येतातच ||

अपयश हीच | यशाची पायरी |

ध्येय ठेव उरी | जिवनात

खूणगाठ बांध | निश्चयाने दृढ |

यशाचे ते गूढ | ठेव ध्यानी ||

आळस हा वैरी |आहे माणसाचा |

बदल हा ढाचा | आयुष्याचा ||

मेहनत कर | अभ्यास करावा |

पर्वत गाठावा | यशाचा हो ||

मनन चिंतन | करीत जा थोडे |

आयुष्याचे कोडे | सुटेल गा ||

तनमनधन | द्यावे ना झोकून |

हळूच वाकून | यश येईल ||

यशाची पायरी | गाठायची आहे

खस्ता खात राहे | जीवनात | 

जिद्द हो असावी | मानू नये हार |

जिवनाचे सारं | मिनू म्हणे ||

कवयित्री

मिनाक्षी पांडुरंग नागराळे

जि.प.प्राथ.शाळा.कोकलगाव

ता.जि.वाशिम.

मो.९७६७६६३२५७

निरोगी जीवन (अभंग क्र.२८)

निरोगी जीवन (अभंग क्र.२८)

लवकर उठे | लवकर निजे |

माणूस तो साजे | जीवनात ||

प्रांत:समयीला | व्यायाम करावे |

नित्यची फिरावे | दररोज ||

आळस हा शत्रू | आहे माणसाचा |

बदलतो साचा | जिवनाचा ||

चांगल्या सवयी | तेवढे चांगले |

होईल गा भले | आयुष्याचे ||

सोड रे व्यसन | व्याधी आमंत्रण |

शरीर खंगून | जाईल गा ||

सात्विक आहार | निरोगी आयुष्य ||

उद्याचे भविष्य | आयुष्याचे ||

प्रसन्न मनाने | रहा दिनभर |

नको चिंतातूर | आयुष्यात ||

मानवाचा जन्म | सुंदर ही भेट |

देवाने ही थेट | दिली आहे ||

गोळ्या व औषधी | खरे शत्रू आहे |

डोकावून पाहे | जीवनात ||

निरोगी जीवन | स्वस्थ जगूयात |

रोगावर मात | करूयात ||

ताजे खाणेपिणे |उत्तम आहार |

कामं अंगभर | करूनिया ||

मिनू म्हणे आता | ठेव सर्व ध्यानी |

नको मनमानी | आपुलीच ||

दिर्घायुष्यी जगा | नियम हे पाळा |

आयुष्य झोपाळा | आहे बघ ||

कवयित्री

मिनाक्षी पांडुरंग नागराळे

जि.प.प्राथ.शाळा.कोकलगाव

ता.जि.वाशिम

मो.९७६७६६३२५७

कर्तव्याची जाण

कर्तव्याची जाण (अभंग क्र.२७)

कर्तव्याची जाण  (अभंग क्र.२७)

कर्तव्याची जाण | माणसा तू ठेव |

कशाचे ना भेव राहील गा|

मायबाप पूजा | देवाआधी थोर |

वृध्दपणी घोर | कशापायी ||

भावनेपेक्षाही | मोठेच कर्तव्य ||

नको अपव्यय | वेळेचाही ||

राष्ट्रप्रेम उरी | माणुसकी भली |

परस्त्री मुली | ताईसम ||

नको लवलेश | कधी भ्रष्टाचार |

नको स्वैराचार | ठेव ध्यानी ||

नात्यांची ती  घट्ट | वीण मजबूत |

कुटुंब शाबूत | असेल गा ||

सोड हेवेदावे | उगा मिरवावे |

आपलेच गावे | कशापायी ||

इमानदारीने | सदाच रहावे |

धन्य हो पावावे | जीवनात ||

स्वाभिमानी रहा | सदैव तत्पर |

बदल लकेर | नशिबाची ||

प्रयत्नांती भेटे | तो परमेश्वर|

जीवन नश्वर | ठेव ध्यानी ||

मिनू म्हणे ठेव | कर्तव्याची जाण |

जीवन महान | होईल गा ||

कवयित्री

मिनाक्षी पांडुरंग नागराळे

जिल्हा परिषद प्राथमिक शाळा कोकलगाव

ता.जि.वाशिम

मो.९७६७६६३२५७