कवितादिनानिमित्त कविता
कवीचं लाडकं बाळं असते कविता
अंतरमनाला जोडलेली नाळं असते कविता
मार्मिक शब्दांची माळ असते कविता
तर कधी किर्तनातली टाळ असते कविता...
तेज शब्दांची तलवार असते कविता
कधी सपासप केलेला वार असते कविता
कधी मृदू मुलायम शब्दफुलांचा हार असते कविता
तर कधी विद्रोहाने केलेला प्रहार असते कविता....
संकटकाळी एखाद्याचा आधार असते कविता
कधी आनंदाने पावसातली धार असते कविता
कधी शब्दांचा बाजार असते कविता
तर कधी लाडका परिवार असते कविता...
कधी शब्दांची ढाल असते कविता
तर कधी गीतातली ताल असते कविता
आसुसलेल्या डोळ्यांतली जहाल असते कविता
तर कधी प्रियेसीचा महाल असते कविता...
कधी अंतरातली हाक असते कविता
समोरच्याला कधी धाक असते कविता
कधी शाळेतला बाक असते कविता
कधी साहित्य रथाचा चाक असते कविता....
कधी अभंगातले चरण असते कविता
मेल्यावर पेटलेले सरण असते कविता
जगण्यातल्या अस्तित्वाचं मरण असते कविता
मानवी जिवनाचं पुनर्भरण असते कविता...
तिच्यातली ती असते कविता
तर कधी त्याच्यातला तो असते कविता
तिला आणि त्याला जोडणारा पूल असते कविता
तर कधी अंगणात दुडदुडणारं मूलं असते कविता...
शब्दांनी शब्दांना पाडलेली भूल असते कविता
नेहमीच कवीच लाडकं मूल असते कविता....!!
कवीदिनाच्या हार्दिक शुभेच्छा...!!
कवयित्री
मिनाक्षी पांडुरंग नागराळे
जिल्हा परिषद प्राथमिक शाळा कोकलगाव
ता.जि.वाशिम...
---
Shared using https://www.writediary.com/getapp
