स्त्रीयांचे शिक्षण | प्रगत लक्षण|
सुधारी जीवन | सर्वांचिया |
समस्त स्त्रीयांनी | शिक्षण हो घ्यावे |
प्रगत बनावे | जीवनात ||
व्यापून टाकले | सारे क्षेत्र आज |
प्रगतीचा साज | चढलासे ||
स्त्रीशिक्षणाचे बी | साऊने रोवले|
बीज अंकुरले | आज सारे ||
शिकल्या हो मुली | काळोख संपला |
बदल होत झाला | शिक्षणाने ||
सुधारली मती | नोकरी लागल्या |
स्त्रीयाही जागल्या | शिक्षणाने ||
व्यापूनी टाकले | प्रत्येक हो क्षेत्र |
ठरल्या रे पात्र | सा-या मुली ||
शिकल्या टिकल्या | वाचले पुस्तक |
सुधारे मस्तक | शिक्षणाने||
वाघिणीचे दूध| शिक्षण रे आहे |
स्वावलंबी राहे | समस्त स्त्री ||
सबला बनल्या | झाल्या कलेक्टर
सांभाळी पदर | मातृत्व ही ||
ज्योती साऊचेच | आज उपकार |
स्वप्न गे साकार | कर तुझे ||
मिनू म्हणे हर | कर तू काबीज |
होऊ दे गे चीज| जीवनाचे ||
कवयित्री
मिनाक्षी पांडुरंग नागराळे
ता.जि.वाशिम
No comments:
Post a Comment