जिल्हा परिषद शाळा
आवडते मज जिल्हा परिषद शाळा
वाघीणीचं दूध मिळे शिक्षण घे बाळा ।। धृ।।
गुरू शिष्याचे नाते हीच खरी संपत्ती
अभ्यासाची दिशा ही विद्यार्थाची प्रगती
सृजन प्रतिभेचा फुले संस्कार मळा ।। १ ।।
रोज गुरुजींना जे भेटतील पालक
शिक्षणाचा हक्क कळे तो खरा मालक
परिवर्तन करा जीवनाचा सोहळा ।। २ ।।
राष्ट्रीय सणाला सांस्कृतिक कार्यक्रम
बोलके विद्यार्थी झाले शिक्षकाचे श्रम
भविष्याच्या चिंतनाचा मिळे इथे डोळा ।।३ ।।
विकासाचा आराखडा समाजाचा साथी
नांदू एकीने विसरू धर्मभेद जाती
भारत देशा नेऊ उंच उंच आभाळा ।। ४ ।।
- शफी बोल्डेकर ,
कळमनुरी.
मो. ७७९८९६७७९३
No comments:
Post a Comment