नभी सूर्य येता वर
पाखरांची भरे शाळा
चिव करत चिमणी
लाविते बाळास लळा....!!
दारी अंगणात बाई
खरकटे गे सांडले
एक एक कण घेई
जीव झाडाले टांगले....!!
दाणा चोचीत टिपते
भरवी पिल्लांना घास
माय आणील चोचीत
छोट्या पिल्लांना ती आस...!!
पंख येता गे पिल्लांना
होई जीव वरखाली
बळ पंखात भरते
आई खरी रखवाली....!!
पिल्लांसाठी जीव तिचा
त्याच घरट्यात राही
दाणे आणील चोचीत
छोटी पिल्लं वाट पाही....!!
ठेवा अंगणात पाणी
टाका अंगणात दाणे
चिमुकल्या पावलांनी
सुरू पक्षाचे टिपणे....!!
एक घास रे काऊचा
एक घास रे चिऊचा
हरवून गेले कसे
बंगल्यात आज गाणे....!!
नाही अंगण राहिले
नाही पक्ष्यांची ती गाणी
कुठे हरवली आज
सांगा किलबिल वाणी?
कवयित्री
मिनाक्षी विजाई पांडुरंग नागराळे
जिल्हा परिषद उच्च प्राथमिक शाळा
जांभरून नावजी, वाशिम
No comments:
Post a Comment