बहुगुणी वड

 

पिंपळ... कविता

पि

 

कपल चॅलेंजचं याड

 

अत्याचार (कविता)

 

कवी शेख शफी बोल्डेकर सर यांचा आई अभंग

 आई

अम्मी म्हणू आम्ही 

तुम्ही म्हणा आई 

शब्दाची कमाई

माय माझी ।। १ ।।

मायेचा वर्षाव

टाळू भर भरू

आई माझी गुरू

 बुद्धिवंत  ।। २  ।।

दुवा पढू देई

गावभर पाणी 

भीतीची गा-हाणी 

 निरसली ।। ३ ।।

पाटी व लेखणी

दिली माझ्या हाती

फुलवली शेती 

जीवनाची  ।। ४ ।।

मायेचा सागर

ढग गेले दूर 

भरून ये ऊर 

 आभाळाचा ।। ५ ।।

अम्मीमय झाले

घरातले वारे

खुली झाली दारे

स्वर्गातली  ।। ६।।

-  शेख शफी बोल्डेकर, 

     मु. पो.  बोल्डागांव ,

     ता. कळमनुरी  ,

     जि.  हिंगोली. 

  मो. ७७९८९६७७९३

पाणी वाचवा (अभंग क्र.२१)

 पाणी वाचवा (अभंग क्र.२०)

पाणी हे अमृत | पाणी रे अडवा |

पाणी रे जिरवा | ठेवा ध्यानी ||

जल हे जीवन | जपून वापर |

नको मरमर | पाण्यासाठी ||

पावसाचे पाणी | अडवून ठेवा |

पाणी हो मुरवा | जमिनीत ||

सांडपाण्यावर | लावा हो बगीचा |

हिरवा गालिचा | वाटे जणू ||

कोरडा दुष्काळ | नकोच असेल |

कर रे चांगलं | एक काम ||

अनमोल जल | अपव्यय टाळा |

दुष्काळास आळा | बसेल हो ||

अमृतासमान | पाणी हे जीवन |

होईल पावन | जीवन हे ||

पाण्याची टंचाई | चला संपवूया |

झाडेच लावूया | तयासाठी ||

पाण्याचे महत्त्व | जाण तू माणसा |

नाही भरवसा | पावसाचा ||

मिनू म्हणे आता | पाणी हे जीवन |

नको अवर्षण | ठेव ध्यानी ||

कवयित्री

मिनाक्षी पांडुरंग नागराळे

जि.प.प्राथ.शाळा.कोकलगाव

ता.जि.वाशिम

काय आहे ना,...