*करा तडजोड (अभंग क्र.१४)*
करा तडजोड आयुष्यात थोडी
वाढेलच गोडी जीवनात
अपेक्षांचे ओझे ठेवावेत कमी
आनंदाची हमी मिळेल गा
सुखाची भाकर आनंदाने खावी
सुखाची पालवी फुटेल रे
संयमाने वागा करा तडजोड
भागवा रे नड कधी मधी
आयुष्याच्या वाटे अंगी ठेवा शिस्त
ना कोणाचे हस्त ध्यानी ठेवा
ऐकावे जनाचे करावे मनाचे
सुखी जीवनाचे सुत्र छान
काटकसरही आवर्जून करा
सुखाची घागर भरूयात
स्वप्न जरी मोठे प्रयत्नांनी भरू
साकार हो करु भावी पिढी
करा तडजोड राहू नका दुःखी
जगी तोच सुखी राहिल गा
मिनु म्हणे आता ठेव ध्यानी बोल
कशाला अबोल रहायचे
कवयित्री
मिनाक्षी पांडुरंग नागराळे
जि.प.प्रा.शाळा.कोकलगाव
ता.जि.वाशिम.
९७६७६६३२५७
No comments:
Post a Comment