ह्दरयातलं दुःख कुणाला दिसते का?
खरं सांगा वेळ कुणासाठी थांबते का? धृ!!
कापरासारखी उडून जाते वेळ
सगळा आहे इथे नियतीचा खेळ
आपण कितीही लावा ताळमेळ
ताळमेळ कधी कुणाचा बसतो का
पण वेळ कुणासाठी थांबते का?
जे जे होईल ते ते फक्त पहात रहायचं
प्रत्येक क्षणाला मात्र साक्षी व्हायचं
कसं जगायचं ते आपलं आपण ठरवायचं
कुणाच्या हातात काही असते का?
खरं सांगा वेळ कुणासाठी थांबते का?
नशिबाचे धागेदोरे लागलेत कुणाच्या हाती
सगळ्यांचीच होणार आहे एक दिवस माती
आपलेच आपल्या कामी येतील नातीगोती
माणुसकीचा धर्म कोणी कधी सोडते का?
खरं सांगा वेळ कुणासाठी थांबते का?
चांगल्या कर्माची चांगली फळे मिळतील
माणसंच इथं माणसांवर जळतील
पक्ष्यांसारखं एक दिवस उडून जातील
पतंगासारखं आयुष्य असते कधी कळते का?
खरं सांगा वेळ कुणासाठी थांबते का?
आजची घडी ठीक चालली म्हणजे झालं का?
संकटं अनेक आहेत म्हणून कोणी हरेल का?
आयत्या गादीवर कधी सुख कुणाला लागेल का?
कष्टाचीच भाकरीची चव कुणी जाणते का?
पण खरं सांगा वेळ कुणासाठी थांबते का?
कवयित्री
मिनाक्षी पांडुरंग नागराळे
मु.पो.कोकलगाव
ता.जि.वाशिम.
No comments:
Post a Comment