अयोध्येचा राजा | जय हो श्रीराम |
मुखी रामराम | जनाचिया ||
आदर्श तो राजा | वचन ते थोर |
कौशल्याचा पोरं | दयावान ||
दशरथ राजा | ज्येष्ठ पुत्र राम |
अयोध्या हे धाम | पुज्यनीय ||
एकवचनी ते | रामाचा तो त्याग |
वनवास भाग | नशिबात ||
राम लक्ष्मण ह्या | बंधुचे जे प्रेम |
भरताचे सेम | बंधुप्रेम ||
सितेची कहाणी | फिरे अनवाणी |
विरहाचे पाणी | डोळ्यांमधी ||
त्यागाचे प्रतीक | आदर्श तो राजा |
रावणास सजा | आपसुक ||
गर्वाचे हरण | गर्विष्ठ रावण |
पतीत पावण | सिताराम ||
चौदा वर्ष भोग | कसा वनवास |
त्रास भोगलास | किती देवा |
देवादिकासही | होता ना हो त्रास |
सत्याची ती कास | सोडली ना ||
संकटात नाम | घ्यावे मुखी राम |
बोला रामराम | नियमित ||
मिनू म्हणे आता | आठवावे रूप |
आज्ञा स्वरुप | प्रभू राम ||
कवयित्री
मिनाक्षी पांडुरंग नागराळे
जिल्हा परिषद प्राथमिक शाळा कोकलगाव
ता.जि.वाशिम.
No comments:
Post a Comment