बीज अंकुरे अंकुरे
शेत शिवार हिरवे
बळीराजा सुखावला
पाही स्वप्न ते बरवे...!!
कुस उसवे मातीची
शालू हिरवा नेसला
धरा आनंदून गेली
गर्भ पोटात पोसला...!!
बीज अंकुरे अंकुरे
रान बहरून गेले
पक्षी उडती अंबरी
ढग दाटूनिया आले...!!
पांडुरंगाच्या कृपेने
रिमझिम हा पाऊस
खूप पिकू दे शिवार
फिटू दे बळीची हौस...!!
बीज अंकुरे अंकुरे
धन्य झाली वसुंधरा
शेतकरी सुखावून
कर जोडतसे धरा...!!
काळ्या आईची सेवेत
धन्य झाला शेतकरी
बळी जगाचा पोशिंदा
शेती दौलतच खरी....!!
कवयित्री
मिनाक्षी पांडुरंग नागराळे
वाशिम
No comments:
Post a Comment