शब्द
शब्दच करतात घाव
शब्दच देतात आधार
शब्दच खातात भाव
शब्दच घेतात माघार....!!
शब्दच उसवतात नाती
शब्दच बनतात वाती
शब्दच गुणगुणत गाती
शब्दच बनवतात जाती...!!
शब्दच प्रसवतात प्रेम
शब्दच बनतात माया
शब्दच बनतात बंडखोर
शब्दच बनती सुखद छाया...!!
शब्दच ठरतात विरह
शब्दच बनतात सहानुभूती
शब्दच रडवतात माणसाला
येते प्रत्येकास अनुभूती....!!
शब्दच देतात जखमा
शब्दच बनतात मलम
शब्दासारखे शब्दच मऊ
शब्द जणू रेशमी तलम....!!
शब्दच देतात गोडवा
शब्दच बनतात मैत्री
शब्दांना असते शब्दांवरची
जिवापाड खात्री....!!
शब्दांनीच फुटतात अश्रू
शब्दांनी विसरतात वेदना
शब्दच बनतात तलवार
शब्दांनीच फुटतात संवेदना...!!
शब्दांनीच फुलते बाग
शब्दांनीच होते महाभारत
शब्दांनीच होते रामायण
शब्दांनीच शब्दाला मारत...!!
शब्दच वापरावेत जपून
शब्दच दुधारी शस्त्र
शब्दच बनवते हळवे अन्
शब्दच सभ्येतेचे वस्र...!!
कवयित्री
मिनाक्षी पांडुरंग नागराळे
जिल्हा परिषद प्राथमिक शाळा
कोकलगाव
ता.जि.वाशिम
मो.9767663257
शब्दांची महती छान व्यक्त केलीय.
ReplyDelete