.jpeg)
एक मनीमाऊ
शहरातल्या घरामध्ये
गेली एक मनीमाऊ
लागली होती भूक
करू लागली म्यॅंव म्यॅंव ss
सारे काही कपाटात
कसले ते फर्निचर ?
भुकेने व्याकुळला जीव
आतड्यात होई चर्र चर्र र|
पूर्वीचा काळ बरा होता
डोळ्यात आले पाणी
आजी सुद्धा गोड गायची
मनीमाऊची गाणी ...
मुक्या प्राण्यावर माया होती
पाळायचे घरात दोन-चार प्राणी
वृद्धच गेली वृद्धाश्रमात
मनीमाऊची कोणी गाईल गाणी ?
घरभर फिरून झाले
मिळाले नाही मनीला काही
भुकेने व्याकुळला जीव
पोटात होती लाही लाही ...!!
नको मजला शहर बाई
मनीने ठोकले गावाकडे धूम ss
गावच आपला बरा बाई
मनी झाली घामाघूम...!!
शेवटी एकदा खेडे गाठले
भरपूर दूध मनीला मिळाले
आजही खेड्यात माणुसकी नांदते
शेवटी मनीमाऊला मर्म कळाले...!!
कवयित्री
मिनाक्षी पांडुरंग नागराळे
जि.प.प्राथ.शाळा.कोकलगाव
ता.जि.वाशिम
No comments:
Post a Comment