जागतिक अन्नदिन*
वाया नका घालवू अन्न
अन्न हेच आहे पुर्णान्न
ज्याच्या पोटी भुकेचा गोळा
अन्नासाठी फिरे वनवन...!!
ज्याला मिळते मुबलक अन्न
नासाडी करून नको गाजावाजा
एका एका दाण्यासाठी इथे
घाम गाळतो माझा बळीराजा...
अपार मेहनत बळीराज्याची
जाणिव प्रत्येकांनी ठेवा
जितकं लागेल तेवढंच घ्या
मग प्रसन्न मनाने जेवा....!!
शिळंपाकं फेकू नका हो
अन्न घालवू नका वाया
गोरगरिबांना अन्नदान करा
येऊ द्या कधी दयामाया....!!
अन्नासाठी करती सारे
वितभर पोटासाठी मरमर
अन्नाचा आदर करा रे
जीवन होईल सदा सुखकर...!!
भुकेल्या पोटी घास द्यावा
पशुपक्ष्यांना मुठभर दाणे
जेवढे दिले आयुष्य जग माणसा
आणि सदा रहावे आनंदाने....!!
कण कण वेचती पक्षी अन्न
अन्नाची नासाडी कधी करू नका
उरले सुरले फेकू नका ना
पशू पक्ष्यांच्या मुखी घास द्या.
कवयित्री
मिनाक्षी पांडुरंग नागराळे
जि.प.प्राथमिक शाळा.ककोकलगाव
ता.जि.वाशिम.
No comments:
Post a Comment