स्वच्छतेचा मूलमंत्र ध्यानी धरूया
चला दोस्तहो स्वच्छता करूया....!!धृ ||
केरकचरा साफ करूया
आपले अंगण, स्वच्छ ठेवूया
बागबगिच्या झाडे लावूया
निर्मळ, सुंदर बगीचा बनवूया...
अस्वच्छ जर असेल अंगण
होतील खूप सारे मच्छर
डेंग्यू,मलेरियाला नको आमंत्रण
चला झाडू हाती धरूया....!!१||
सुंदर झाडे, सुंदर वेली
येतील सारे पक्षी अंगणी
नानाविध फुले बहरतील
फुलपाखरे सारे भिरभिरतील...
त्यांच्यासवे चला गाणे गाऊया...||२||
स्वच्छता आहे खूप महत्त्वाची
रोगराई दूर पळवण्यासाठी
स्वच्छ, सुंदर, शुध्द हवा
महत्त्वाची आहे आरोग्यासाठी..
सा-यांनी हे ध्यानी ठेवूया....||३||
कचराकुंडीत कचरा टाकून
त्यापासून गांडूळ खत तयार करू
झाडावेलींना सेंद्रिय खत देऊ
फुललेला निसर्ग पाहू.......||४||
स्वच्छतेचा मूलमंत्र ध्यानी धरूया
चला दोस्त हो स्वच्छता करूया....!!
कवयित्री
मिनाक्षी पांडुरंग नागराळे
जि.प.प्राथ.शाळा.कोकलगाव
ता.जि.वाशिम
No comments:
Post a Comment