गरिबी वाईट | कष्टाची झालर |
बदले लकीर | वाट पाही ||
मेहनती फळ | देवास साकडे |
दोन्ही कर जोडे| सदाचिया ||
मन मारूनिया | त्याग करूनिया |
न घालवी वाया | कदापिही ||
गरिबी जाणिव | खर्चावे तोकडे |
जीवनाचे कोडे | त्यास पडे ||
आहे त्यात मानी | सदाचिया सुख |
मारीतसे भूक | अधीमधी ||
मेहनत अंगी | जिद्द चिकाटीने |
कर सातत्याने | सदाचिया ||
ती काटकसर | ठेव थोडी ध्यानी ||
नको मनमानी | आपुलीच ||
थेंबे थेंबे साचे | धनाचे ते तळे |
जीव तळमळे | गरीबाचा ||
धनाने गरीब | मनाची श्रीमंती |
कर हो जुळती | तेथे माझे ||
मिनू म्हणे आता | गरीबी वाईट |
लक्षात ही गोष्ट | ठेव सदा ||
कवयित्री
मिनाक्षी पांडुरंग नागराळे
जि. प.प्राथमिक शाळा.कोकलगाव
ता.जि.वाशिम.
No comments:
Post a Comment